Gola RE 945 er komin til Keflavíkur.

Við fórum frá Eyjum á mánudagsmorgun, sigldum í blíðu, logni og þoku til Grindavíkur. Vorum þar síðastliðna nótt, sigldum hingað til Keflavíkur í dag, eftir að hafa farið í sund í Grindavík. Framhaldið er ekki ákveðið, nema við verðum ekki í Reykjavík fyrr en í næstu viku.

Þegar við vorum farin frá Eyjum sáum við að gleymst hafði að taka kost. Við áttum um borð brauð,  kartöflur, sultu, bauk af fiskbúðing frá Ora og skot í byssuna. það var veislumatur um kvöldið, en vegna fuglafriðunarlaga get ég ekki sagt ykkur hvað var á matseðlinum.