Starfsmenn Rafmagnsverkstæðis Eimskip grilla í Þerney.

Við, vinnufélagarnir á Rafmagnverkstæði Eimskip, ásamt Hallgerði stýrimanni á Golu grilluðum á fleka sem við Snarfélagr eigum á Þerneyjarsundi. Þetta var fínn túr, eins og á að vera á góðra vina fundi. Það var of hvast til að við gætum borðað á flekanum, þrátt fyrir að við settum skjólvegginn upp. við borðuðum því um borð í Golu, svolítið þröngt fyrir 10 manns, en þröngt mega sáttir sitja. Allir höfðu sæti við borð, sjö uppi í stýrishúsi og þrír niðri í lúkarnum. Því miður var eitthvert vesen á myndavélinni hjá mér, þannig að ég get ekki sýnt ykkur neinar myndir. Það voru fleiri með myndavélar, þannig að ég get sýnt myndir eftir helgi. Við skiluðum strákunum í Snarfarahöfn um kl. hálf tíu.

Við Hallgerður ætluðum síðan að sigla í Hvammsvík. Lilja og Neisti fóru þangað fyrr um kvöldið. Eftir að hafa horft á veðurspá á Belging og talað við þau sem voru í Hvammsvík ákváðum við að bíða til morguns. Lilja og Neisti komu í Snarfarahöfn um eitt leitið, höfðu farið úr Hvammsvík vegna veðurs. Austan áttin er oftast hund leiðinleg þar, enda stendur þá beint upp á víkina.

Eftir hafragraut í morgun sigldum við á Golu í Reykjavíkurhöfn. Við höfum verið hér í dag, notið mannlífsins og þess sem boðið er upp á, á listahátíð. Þegar við komum út úr Hafnarhúsinu eftir að hafa skoðað sýninguna þar sagði ég Hallgerði, "hefði þetta drasl verið í geymslunni heima, og ég í tiltekt hefði því öllu verið hent".

Nú eru Helga og Steini á Neista komin. við verðum hér í nótt, sjáum svo til í fyrramálið hvort við borðum hafragrutinn hér, eða í Þerney.

Bilaður rafmagnsstrengur og brotin bryggja í Hvammsvík.

Hvammsvíkurnefnd fór í Hvammsvík í gærkvöldi til að gera við bilaðan jarðstreng. Við fundum fljótlega hvar bilunin var og viðgerðin tókst vel.

Víð fórum líka til að athuga með bryggjuna, hafandi upplýsingar frá Pétri, að hún gengi óvenju langt til norðurs, þegar vindurinn stendur þannig á hana. Við athugun komu í ljós brestir í langböndum í fjöruborðinu. Ekkert efni var á staðnum til viðgerða. Meiningin er að fara um helgina með efni og gera við bryggjuna.

Hér erum við Hafliði að setja bút í strenginn.

 

 

 

 

 

 

Hafliði og Steini að ganga frá samsetningu.

Náttfari ÞH 60

SM. í Noregi 1962. Stál. 169 brl. 660 ha. Lister dísel vél. Eig. Barðinn h/f Húsavík frá 24. júlí 1962. Skipið var lengt í Noregi 1966 og mældist þá 208 brl. 1966 var nafni og númeri skipsins breytt, hét þá þorri ÞH 10, sömu eig. og áður. skipið var endurmælt í júní 1970 og mældist þá 170 brl. Selt 10. feb. 1975 Pólarsíld h/f Fáskrúðsfirði, skipið hét Þorri SU 402. Það sökk austan við Ingólfshöfða 18 okt. 1979. Áhöfnin, 10 menn, bjargaðist í gúmmíbjörgunarbát og síðan um borð í Gunnar SU 139 frá Reyðarfirði.

Hvítasunna í Reykjavíkurhöfn.

Þessi fiskur verður fínn eftir tvær vikur. Ég fékk hann síðastliðinn fimmtudag. Hann hefur legið í bala síðan og er komin fín lykt af honum.

Afrakstur af fiskiríinu var 11 spyrður, 30 kg. af þorskflökum og einn steinbítur.

 

 

 

 

Við vorum í Reykjavíkurhöfn í gær. Þetta glæsimenni var að viðra sig á Ægisgarðinum þegar við komum. Það var verið að steggja hann.

Við erum oft þarna á sumrin, á góðum degi iðar allt þar af mannlífi. Ég er hissa á því hvað Skemmtibátaeigendur sjást þarna sjaldan.

 

 

 

 

Þessir komu á sæþotum í blíðunni.  Það má sjá að það er farið að rjúka úr grillinu.

 

 

 

 

 

 

Stýrimaðurinn sestur að veisluborði. Fæðið um borð í Golu er fyrsta flokks.

Þegar ég vaknaði um sjö leitið í morgun var þessi elska búin að elda hafragrautinn. Hafragrautur er alla morgna þegar við erum um borð.

 

 

 

 

 

 

Sigrún og Gauti litu við. Þau voru á leið í brúðkaupsveislu um borð í Sæbjörgu.

 

 

 

 

 

Sigurður AK 107

Smíðaður í Danmörku 1960. Eik. 87 brl. 350 ha. Alpha dísel vél. Eig. Ólafur Sigurðsson, Þórður Sigurðsson og Einar Árnason, akranesi, frá 12. apr. 1960. 1961 var skráður eigandi Sigurður h/f Akranesi. báturinn var seldur 22. maí 1965 Erlingi h/f Vestmannaeyjum, báturinn hét Sigurður VE 35. Seldur 13. júlí 1969 Þórarni Þórarinssyni, Hafnarfirði, Jónasi Þórarinssyni, Sandgerði og Magnúsi Þórarinssyni, Keflavík, báturinn hét Bergþór GK 25. Báturinn fékk í skrúfuna og rak upp í kletta við Keflavík og eyðilagðist, tekinn af skrá 24. mars 1973.

Bryggjan í Hvammsvík komin á flot.

Við settum bryggjuna út í dag og tengdum vatn og rafmagn. Hún er nú tilbúin til notkunar. það er von okkar í Hvammsvíkurnefnd að sem flestir félagsmenn og þeirra gestir noti sér þessa frábæru aðstöðu í sumar. Næst ligur fyrir að útbúa bólin og flekann, sem við setjum niður norðar í víkinni.

Smellið á myndirnar með músinni, til að sjá textann.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Varðandi skipstjórnarréttindi á skemmtibát.

Ég fagna því að nú hefur verið tekið af allan vafa um að það þurfi skipstjórnarréttindi til að stjórna skemmtibát, 6 m. og lengri.

En mér finnst miður að samgönguráðherra hefur ekki nýtt sér heimild í lögum og krafist réttinda fyrir skipstjóra á skemmtibátum styttri en 6 m. en vélarafl er meira en 55 kW.

Töluverð aukning hefur orðið á skemmtibátum styttri en 6 m. með vélar sem eru á þriðja hundrað hestöfl. Ganghraði þessa báta getur verið 70 til 90 sm/kls. Bátarnir eru mest notaðir til að draga sjóskíði, fallhlífar, slöngur og þess konar búnað. Síðan eru þeir auðvitað notaðir til kappsiglinga.

Sama á við um sæþotur, þar er mikil aukning. Þær eru með vélar sem eru um 200 hestöfl. Ganghraði er um og yfir 70 sm./kls.

Þessi tæki eru mest að sigla á hafnarsvæðum og í kringum hafnir, þar er skipa og báta umferð oft mikil. Margir stjórnendur þessara tækla eru ti fyrirmyndar. En það er ekki hægt að leggja þessi tæki að jöfnu við litla báta sem ganga 5 til 7 sm./kls. En það virðist vera gert í reglugerð samgönguráðherra.

Allt of margir virðast enga grein gera sér fyrir þeirri hættu sem þeir skapa sér og öðrum með vítaverðri hraðsiglingu þvers og kruss og engar siglingareglur eru virtar. Með þessu háttarlagi eru þeir jafn hættulegir umhverfi sínu og óvitar með byssu.

Mér finnst að krefjast ætti einhverrar lámarks þekkingar á siglingarreglum fyrir stjórnendur þessa tækja. Eðlilegt gæti talist að gerðar væru sömu kröfur og gerðar eru til stjórnenda báta með takmarkað farsvið. Þessi tæki eru að fara um sama svæði. Ég hitti oft fólk sem kemur á þessum hraðbátum og sæþotum frá Reykjavík og Hafnarfirði, í Hvammsvík, sem er innst í Hvalfirði.

Vegna þess að legið hefur fyrir í nokkurn tíma að krafist yrði haffæris og réttinda fyrir skemmtibáta lengri en 6 m. hefur eftirspurn eftir bátum styttri en 6 m. aukist. flestir þeir bátar eru með stórar vélar.

Aðeins hefur hvarfað að mér að eitthvað spili þarna inni bátar sem eru leigðir út til sjóstanga veiði. Þeir eru styttri en 6 m. og trúlega með stærri vél en 55 kW. Er verið að sníða reglugerðina að þeim ?

Ég skora á samgönguyfirvöld að taka þetta mál til athugunar sem fyrst. Ég hef skrifað samgönguráðherra bréf vegna þessa.

Ekki hægt að setja bryggjuna á flot í dag.

Það var of hvasst til að við gætum sett bryggjuna út í dag, eins og stóð til. Gengið var frá fenderum á hornin, vatnslagnir tengdar, ath. útleiðslu í rafmagni, skráð niður efni sem þarf að taka með næst, nestið borðað og farið svo heim.

Við förum aftur snemma á laugardagsmorgun og klárum allt sem þarf að gera. Bóndinn á Hálsi kemur svo um hádegi, með tæki til að ýta bryggjunni á flot.

Steini og Hafliði að festa hornið á.

 

 

 

 

 

 

Hafliði og Árni að athuga með útleiðslu í rafmagninu.

Haraldur AK 10

Þú getur séð meira um bátinn, með því að tvísmella á myndina.

Veit einhver sögu bátsins eftir 1988 ?

Vinnudagur í Snarfara.

Staurinn var í stæðinu hjá Neista og hefur verið þar síðan síðastliðið sumar. Við Steini mættum í morgun um kl. 09.00. og ætluðum að vera snöggir að færa staurinn og fara síðan að vinna að því að ganga frá nýrri C. bryggju.

Verkið tók lengri tíma en við héldum. Það þurfti að breyta bæði raf og vatnslögnum. Við komum því ekkert að liði við önnur verkefni.

En svona er þetta bara, ekki hægt að gera allt í einu.

 

 

 

Hér sjáum við Sigtrygg ásamt fleirum sem voru að vinna við að standsetja nýja C. bryggju. Aðspurðir átti einn í hópnum pláss við þessa bryggju.

þrátt fyrir það er fullt að fólki sem bíður eftir því að bryggjan verði klár, til að þeir geti komið sínum bát niður. Hvað er í gangi hjá ykkur, af hverju hjálpið þið ekki til? Í Snarfara er engin önnur þjónusta en sú sem félagarnir veita í sjálfboðavinnu.  

Það virðist sem tími sjálfboðavinnu í Snarfara sé liðinn. Trúlega er það svo víðar. Öll vinna lendir á fáum, sérstaklega á stjórnarmönnum á hverjum tíma. Auðvitað er það þannig að aðstæður geta verið misjafnar hjá mönnum, en það eru allt of margir félagsmenn sem aldrei lyfta hendi í þágu félagsins.

Mín skoðun er sú að Snarfari ætti að ráða mann í heilt starf allt árið, honum til aðstoðar verði sumarstarfsmaður, líkt og nú er. 

Hér er verið að setja skútu á flot, fallegur bátur. Það eru mjög fallegar línur í mörgum af skútunum.

Forfeðurnir áttu ekki annarra kosta völ, en reka um höfin á tusku. Strákar! Tileinkið ykkur nútímann.

 

 

 

 

 

Á myndinni er sæþota. Ég er alveg klár á því að á þessum græjum er æðislega gaman að leika sér. Þoturnar eiga að geta verið skemmtileg viðbót í bátasportið.

En því því miður fara margir sem þessu sigla sjaldnast eftir neinu siglingareglum. Ég veit ekki hvort það er vegna þess að þeir kunna þær ekki, eða halda að þær eigi ekki við. Það væri þá svipað og ef umferðarreglur giltu bara fyrir bíla, en ekki fyrir mótorhjól. 

Skipstjóri skemmtibátsbáts sem er styttri en 6 m. en með stærri vél en 55 kW. þarf að hafa í það minnsta réttindi til að sigla skemmtibát. Hvað með sæþoturnar ? Þar eru vélarnar frá 120 kW. og stærri. Hraðinn getur verið yfir 60 m. eða yfir 100 km/kl. Ég held að flestir geti skilið það að engum er vel við það þegar verið að skjótast fram hjá bátnum á þessari ferð og stundum bara 10 m. á milli.

Vonandi getum við sett Hvammsvíkurbryggjuna niður í vikunni. 

Ég hvet alla til að notfæra sér þessa frábæru aðstöðu í sumar. Þeir sem ekki gista í bátunum geta notað tjaldstæðið við bryggjuna. Þar er rafmagn og rennandi vatn.