Þeim fjölgar köttunum í bóli Bjarnar..

Gola RE 945 hefur verið fastagestur við Ægisgarð undanfarin sumur eigendum til mikillar gleði. Það er hreint með ólíkindum hvað það er gaman að leika "túrista" í borginni sinni. Sigla frá Snarfarahöfn inn í Reykjarvíkurhöfn og skoða mannlífið.

Bæði á bryggjunni og i miðborginni. Á bryggjunni hittum við fjöldann allan af fólki sem bíður góðan dag eða kvöld eftir atvikum og spjallið tekið. Ekki er haft fyrir því að kynna sig neitt sérstaklega enda umræðan um annað en okkur sjálf á hverjum tíma.

Nú er svo komið að þriðja sumarið okkar er þröngt  á þingi. Þrengslin markast af því, að þeim fjölgar skipunum sem gera út á erlenda ferðamenn sem vilja ólmir sjá einstaka hval eða fugl. Útgerð sem virðist vera að gera sig sem betur fer.

Við höfum aftur á móti ekki áhuga á hvölum nema ef vera skyldi að gúffa honum í okkur eins og fuglunum, einkum Svarfugli.

Litla flotbryggjan sem er standsett í maí er upptekin fyrir þessa vaxandi útgerð. Og góð ráð dýr eins og fyrri daginn. Fyrir okkur..En-við finnum leið. Ekkert annað í boði.

Það kemur í ljós á næstu dögum hver þau ráð eru, ekki verður gefist upp fyrr en í fulla hnefana því getum við lofað ykkur.

Höfum nefnilega fundið að við erum kærir gestir þeirra sem koma í bryggjuspjall sem er yndisleg menning sem við hjónin þekkjum svo vel. Ég frá Eyjum, maðurinn minn frá Raufarhöfn.

Á meðan þúsundir Reykvíkinga keyra í sumarhús sín hist og her, siglum við inn í borgina og höfum ekki enn fengið nóg af því sem hún hefur upp á að bjóða.

Rósin er nýjasti hvalaskoðunarbáturinn.

 

 

 

 

 

 

Farþegasalurinn.

 

 

 

 

 

 

Brúin er ríkulaga tækjumbúin.

 

 

 

 

 

 

 

Lundi verður í fuglaskoðun.

 

 

 

 

 

 

 

Við mættum Alvörunni þegar við silgdum inn í höfninf í dag.

 

 

 

 

 

 

Laufey.

 

 

 

 

 

 

 

Sigga.

Snarfarahöfn í dag. 24.04.10

Elín Björk. Eigandi Bjarni Eysteinsson.

 

 

 

 

 

 

Ekki er sjáanlegt nafn á þessum. Klúbburinn á þennan traktor sem er notaður við upp, og niðursetningu.

 

 

 

 

 

 

Þorbjörg.

 

 

 

 

 

 

 

Óli Lopi átti þennan síðast þegar ég vissi, skráður í Bremen. Hugsanlega á Tortola í dag?

 

 

 

 

 

 

Hafrós. Eigandi aflamaðurinn, skipstjórinn og útgerðarmaðurinn á Húna II og Húnaröst, Hákon Magnússon.

 

 

 

 

 

 

 

Þessir bíða eftir sjósetningu.

 

 

 

 

 

 

 

Þessi hefur ekki áttað sig á vélaöldinni og lætur sig reka um heimshöfin á tusku, eins og forfeðurnir.

Sumarið kom yfir sæinn..

Gola RE 945 fór á flot á miðvikudaginn, en Halla 7575  í dag. Neisti og Axel Sveinsson fara niður um helgina. Nú er sumarið hafið hjá okkur, bátafólkinu. Ég er bjartsýnismaður og spái góðu sumri. við Hallgerður vonumst til að geta siglt vestur í sumar. það er að segja, á víkurna norðan við Straumnes að Hornvík, Jökulfirði og Ísafjarðardjúp.

En auðvitað verðum við allar helgar um borð, eins og undanfarin sumur. Margar helgar höfum við verið í Reykjavíkurhöfn. Það er frábær staður og öll aðstaða fín. Við löbbum um 101 og skoðum borgina eins og túristar. Á góðviðrisdögum er alltaf eitthvað skemmtilegt um að vera. Götulistamenn, listasöfnin, mannlífið, setjast  niður og fá sér bauk. Eða á góðviðris degi, bryggju spjall.

Bryggjuspjall þekkjum við hjónin enda bæði utan af landi, ólumst upp við þetta frábæra samskiptaform. Sem því miður er hverfandi í dag.

Vonandi verðum við dugleg að skrifa og segja ykkur frá okkar upplifun. Við vonumst til að þið lesendur okkar setjið inn athugasemdir og spurningar.

 

Halla og Gola RE 945

 

 

 

 

 

 

Það var einhver titringur í vélinni í Ásþór. Hann var tekinn á land og vélin úr.

 

 

 

 

 

 

Æðruleysið hans K.K. Um veiðiferð á þessu "Færeying" samdi K.K. snildar texta, eins og þeir eru allir hjá þessum ljúfa manni og snillingi.

03.06.09.

Það var sjóstangaveiðimót í Eyjum um hvítasunnuna. Veiði var frekar treg, en mótið var að öðru leiti vel heppnað. Næsta helgi er fimmta og síðasta helgin sem við verðum með golu í Eyjum. Þá erum við komin í sumarfrí og siglum vestur fyrir land næstu fjórar vikur.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Eyjar um síðustu helgi.

Við fórum með fjögur barnabörn til Eyja um síðustu helgi. Fórum með Herjólfi í síðari ferðinni á föstudag. Það var kaldaskítur á laugardag, þannig að ekki var hægt að sigla mikið. Skruppum aðeins út í Klettshelli, sem er alltaf vinsælt. Við vorum beð bíl með okkur og notuðum tækifærið og sýndum krökkunum Heimaey alla.

Það voru krakkar í blautbúningum að stinga sér í höfnina, sem er mjög vinsælt í Eyjum. Við höfðum engan slíkan búning, en Pétur lét sig samt hafa það að hoppa í sjóinn. Það var helvíti kalt.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

20.05.09

Þorsteinn ÞH. Ég var á þessum bát nýjum fyrir 20 árum, þá hét hann Helga II. Skipstjóri var hinn mikli aflamaður og suðurnesjamaður Geir Garðarsson.

Frábær bátur,  hann var ekki svona langur og ljótur þá.  Mér er sagt að nú sé báturinn enn þá betri.

Hann ku fara betur í sjó lengri.

Gola RE 945. Flottasti báturinn í  flotanum.  Að okkar mati, alla vega notaður grimmt ef gefur. 21 árs gamall, en lítur út sem nýr. 

Dýrasti lúxusinn er hirðuleysi að mati tengdaföðurs míns Péturs Stefánssonar. Notaðu það sem þú átt.

 Við hjónin gistum 57 nætur í Golu síðast liðið  sumar. Við erum um borð eins oft og við getum.

Höfum "mottó" útivistarfólks í heiðri. Ekki spurning um veður, heldur hugafar. Enda skipið öruggt og gott. Fátt jafnast á við að sigla ef gefur..

 

 

 

17.05.09

Ég tók nokkrar myndir í veðurblíðunni í Eyjum um helgina.

 

 

 

 

 

 

 

 

 

 

 

 

 

 

 

 

 

 

 

 

Stýrimaðurinn í fyrsta túr sumarsins.

Við Hallgerður stýrimaður sigldum til Eyja með Herjólfi í gærkvöldi og ætlum að njóta lífsins hér fram á sunnudag. Þetta er fyrsti túr sumarsins hjá Hallgerði, ekki slæmt að byrja úthaldið á æskuslóðum.

Þetta er þriðja sumarið sem við erum á Golu RE 945 í Eyjum. Ég er farinn að trúa því sem Hallgerðu hefur haldið fram, að hér sé alltaf gott veður. Ég sem hélt að Raufarhöfn væri eini staður landsins sem alltaf skín sól.

 

 

Árni Rúnar leysti Hallgerði af um síðustu helgi og sigldi með mér, með Golu til Eyja.

 

 

 

 

Ekki vantar græjurnar, svolítið farnar að eldast en duga vel. Það ber ekki með sér að komið sé á þriðja áratuginn.

 

Gola RE 945 farin í árlega ferð til Vestmannaeyja.

Nú er Gola komin til Vestmannaeyja þriðja sumarið. Við ætlum að hafa hana þar fram yfir sjómannadag og vera í Eyjum um helgar. Ég fór með bátinn til Grindavíkur aðfaranótt fimmtudags síðastliðinn, vitandi það að yrði hvass norðan átt á laugardag þegar til stóð að sigla til Eyja. Spáin gekk eftir og sigldum við frá Grindavík á laugardags morgun í N. 10 til 15 m/sek. Við hefðum ekki farið fyrir Reykjanes í því veðri, svo það kom sér vel að hafa verið búinn að klára þann legg.

Nafni minn Árni Rúnar sigldi með mér til Eyja frá Grindavík. Hann er 15 ára, við höfum ferðast mikið saman síðan hann var 5 ára. Ferðin gekk vel, þrátt fyrir talsverðan vind. Við fórum með landinu að Selvogi, en tókum þar stefnuna á Eyjar. Þá var eitthvað farið að draga úr vindi.

Við Þrídranga var komið ágætis veður. þar flugu Hafliði og Steini yfir okkur, miðað við flughæð hafa þeir verið í einhvers konar hafrannsóknum.

 

Gola komin á pláss í höfninni. Við Hallgerður stýrimaður hlökkum mikið til að eyða þarna næstu fjórum helgum. Við verðum komin í sumarfrí sjómannadags helgina og siglum trúleg í Breiðafjörð, eða norður á Strandir, eftir sjómannadag. En allt veltur það á því hvenær gefur að sigla frá Eyjum.

 

 

 

Þessi bátur var að fara á sjó á sunnudags morguninn. Mér sýndist hann vera með gildrur. Ekki veit ég hvað hann er að veiða í gildrurnar.

Siglfirðingur SI 150

Siglfirðingur SI 150. Sm. í Noregi 1964. Stál. 274 brl. Vél 750 ha. Deutz. eig. Siglfirðingur h/f. Siglufirði, frá 20. júlí 1964. Skipið var endurmælt í jan. 1969 og mældist þá 203 brl. Selt eftir 1970 Rafni Svanssyni og Ara Albertssyni, Breiðdalsvík. 1971 eru Gunnvör h/f, Hrönn h/f, og Íshúsfélag Ísfirðinga h/f, Ísafirði eig. Selt 12. okt. 1972 Sigurgeir Ólafssyni og Eiríki Ólafi Sigurgeirssyni, Vestmannaeyjum, skipið hét Lundi VE 110. Selt 4. des. 1976 Bás h/f, Húsavík, skipið hét Bjarni Ásmundar ÞH 320. 1977 var sett í skipið 1000 ha. Brons vél. Selt 4. okt. 1978 Bás h/f, Reykjavík, skipið hét Bjarni Ásmundar RE 12. 1980 var nafni skipsins breytt, hét þá Fram RE 12, sömu eig. Selt 21. des. 1981 Rafni h/f, Sandgerði, skipið hét Sigurpáll GK 375. Skipið var selt 14. apr. 1984 Ísafold h/f, Siglufirði, skipið hét Skjöldur SI 101. Selt 7. okt. 1987 Útgerðafélagi Norður Þingeyinga, Þórshöfn, Langanesi, skipið heitir Súlnafell ÞH 361. Selt til Hríseyjar 1989.